Ventilasjonsteknikaren vedlikeheld og reparerer ventilasjonsanlegg og inneklimainstallasjonar.
En ventilasjonsteknikar er en elektrofagarbeidar som monterer og sørger for at ventilasjonsanlegget fungerer som det skal og gir ønska inneklima.
Som ventilasjonsteknikar jobbar du med ventilasjonsanlegg med tilhøyrande utstyr som ventilasjonsaggregat, elektriske system og automatiserte styringssystem. Ventilasjonsteknikaren samarbeidar blant anna med blekkslagaren som monterer ventilasjonskanalar og produserer tilpassingskomponentar.
Ventilasjonsteknikaren kan jobbe med ventilasjonsanlegg for vanlege bustadhus og blokker, anlegg for spesialventilasjon for industrien både landbasert og maritimt, sjukehus, eller reinromsventilasjon der det er strenge krav til luftkvalitet og kontrollert atmosfære.
Vanlege arbeidsoppgåver kan vere:
- montere, sette i gang og justere ventilasjonsanlegg
- kontrollere og utføre service og vedlikehald på ventilasjonsanlegg
- utføre inneklimamålingar, gjere energivurderingar og dokumentere arbeidet
- skifte ut delar på ventilasjonsanlegg
- gi råd og informasjon til kundar
Ventilasjonsteknikaren må ha god kunnskap om inneklima, folkehelse, ventilasjonsteknikk, oppbygging, verkemåte og bruk av ventilasjonsanlegg. Strømmingsteknikk, termodynamikk, elektroteknikk og automatikk er berre nokre av områda du må meistre som ventilasjonsteknikar.
Faget er i sterk teknologisk utvikling på fleire områder. For eksempel innan behovsstyrt ventilasjon og tilhøyrande sensorar og styringssystem, for å oppnå godt inneklima og lavt energiforbruk.
| Vg1 | Vg2 | Vg3 |
| Elektro og datateknologi | Kulde-, varmepumpe- og ventilasjonsteknikk | 2 år som lærling i ventilasjonteknikkfaget |
Moglegheita for å få lærekontrakt utan «riktig» skulegang er der også. Ver då oppmerksom på at det kan medføre lengre læretid og fleire eksamenar før fagprøva.
Lærekandidat
Ein lærekandidat skal i løpet av opplæringstida si nå delar av læreplanmåla i faget. Det vil sei at det ikkje vil være mogleg å ta fagprøva etter endt opplæringskontrakt. Det vil likevel vere mogleg å bygge vidare til eit fagbrev, lurer du på korleis, kan du ta kontakt med Opplæringskontoret for meir informasjon.