Under lærlingtreffet i Geiranger blei årets lærling 2026 i Opplæringskontoret for møbel-, tre- og mekanisk industri kåra.
Denne gongen gjekk den gjeve prisen til Vera Karin Grindvik Hjelle, som er lærling i industrisaumfaget ved LK Hjelle AS.
Vera blei nominert av sin faglege leiar, Jens Peter Brunstad, og nominasjonsteksten og grunngjevinga for kåringa går som følgjer:
Ho har gjennom læretida på LK Hjelle vist seg å være svært engasjert og lærevillig.
Ho har tileigna seg den faglege kunnskapen rundt om på avdelingane på ein særs god måte.
Ho dokumenterer arbeidet og er pliktoppfølgande til den minste detalj.
Det er kun positive tilbakemeldingar frå kollegiet på LK Hjelle og Vera er ein bidragsytar for arbeidsmiljøet i fabrikken.
Vi gratulerer Vera Karin Grindvik Hjelle som årets lærling 2026!
Foto: Nicolai Karlsen, Karlsen media